Gipuzkoako Goi Mendi Eskola

GIPUZKOAKO GOI MENDI ESKOLA Gipuzkoako mendizale Federazioaren erakunde tekniko eta pedagogikoa da eta hurrengo helburu nagusiak betetzea da erakundearen xedea:

• GGMEren helburua da mendi-kirolaren alderdi guztien hastapena, zabalkuntza eta ikasketa, baita mendiarekin zerikusia duten lan eta ikerketak sustatzea ere, historia, zientzia nahiz heziketa aldetik. GGMEk alde guztietatik heldu behar dio mendi-kirolari, era xumeenetik hasi eta konplexueneraino. Era berean, erne egon behar du kirol honen hainbat ataletan ager daitezkeen zenbait joera berri antzemateko.
• GGMEren helburu nagusia izango da lan pedagogiko guztia mendizaletasunaren ingurura zuzendu eta bideratzea, bai arlo etikoan bai teknikoan, eta kirol honen ikasketan sartuko dira alor eta urtaro guztietarako agertu diren metodologia berri eta aurrerapenak.
• Erakunde honen jardunak eragina du gizarte osoan eta bereziki Gipuzkoako kirol federatuan.

OHARRAK

• Ikastaroak hasi baino hilabete lehenago, ikastaroen informazio osoa argitaratzen da Gipuzkoako Mendizale Federazioaren webgunean eta elkarte guztiei, harpidetutako federatuei eta komunikabideei bidaltzen zaien newsletterretan.
• Egutegi honi lotutako ikastaro ofizialak bezala, ikastaro berak antola ditzake GGMEk bakoitzaren interesen araberako egunetan ere, hala eskatzen dutenentzat (partikularrak, elkarteak, ikastetxeak, etab.).
• Informazio gehiago nahi izanez gero, jo ezazue Gipuzkoako Mendizale Federazioaren idazkaritzara (Tel.: 943.461.440 – e-mail: gmf-administrazioa@kirolak.net
• Norbaitek ikastaro baten egitaraua jaso nahi izango balu, helbide elektronikora eskakizuna bidal dezala. On-line ikastaroen izenematea egin daiteke: www.gmf.eus